Gay Games

Los Gay Games son un eventu multideportivu que se realiza cada cuatro años pola comunidá gai, similar a los Xuegos Olímpicos, entamáu pola Federation of Gay Games (FGG). L'eventu foi creáu en 1980 por Tom Waddell, un decatleta olímpicu d'Estaos Xuníos, y foi lleváu a cabu per primer vegada en 1982 en San Francisco.

Los Gay Games ver a sigo mesmos como un eventu deportivo y cultural, ensin discriminación de sexos, orientación sexual, raza, relixón, nacionalidá, procedencia étnica, orientación política, capacidaes atlétiques, incapacidá física, edá o estaos de salú. La participación y el meyor rendimientu personal tán en primer planu.

The purpose of the Federation of Gay Games is to foster and augment the self-respect of lesbians and gay men throughout the world and to engender respect and understanding from the nongay world, primarily through an organized international participatory athletic and cultural event held every four years, and commonly known as the Gay Games.

El propósitu de la Federation of Gay Games ye promocionar y aumentar el autorespeto de lesbianes y homes gais del mundu y xenerar respetu y comprensión del mundu non gai, principalmente al traviés de la organización un eventu internacional atléticu y cultural abiertu a la participación y realizáu cada cuatro años, conocíu davezu como Gay Games.

Federation of Gay Games^[1]

En 2006, l'eventu incluyó unos 30 deportes y 12.000 participantes, siendo unu de los acontecimientos deportivos d'aficionaos mayores del mundu. Amás del programa deportivu, inclúi un ampliu programa cultural, con concursos de coros y bandes, esposiciones, según obres de teatru y cabaré. L'eventu empieza con una fiesta d'apertura y suel durar una selmana. El zarru suel tener una ceremonia de clausura cola entrega de les insinies al organizador de los próximos xuegos.

1. ↑ Federation of Gay Games. «Concept and Purpose». Archiváu dende l'orixinal, el 18 de febreru de 2007. Consultáu'l 25 de payares de 2006.